Úr Wikipediu, frjálsa alfræðiritinu

Fita eða fituefni (lípíð) er efnasamband fitusýra og glýseróls (og stundum annarra efna á borð við nitur og fosfór) og eru lífræn efni sem að eru illvatnsleysanleg en leysast upp auðveldlega með lífrænum leysum. Hún er helsta forðanæring lífvera og skiptist upp í fitur, vax og stera.

Mynd 1:Útlit lípiðs. Lípíð samanstanda af skautuðum haus (P) og óskautuðum hala (U). Á myndinni sést fosfólípið (með tvo hala), til hægri við hana er stækkuð mynd sem sýnir efnasamböndin í halanum (glýseról tengt fosfórsýru og fitusýru).